52                 TESTAMENTS ENREGISTRÉS AU PARLEMENT DE PÂRIS            (292)
plus à plain est contenu cy dessus, demeurent en leur force et vertu.
Item, pour toutes les choses dessus dictes et chascune d'icelles enté­riner et acomplir, j'ay transporté et mis et mes des maintenant la pos­session et saisine de tous mes biens meubles et conquestz, quelque part qu'ilz soient, es mains de mes executeurs dessus nommez; et soubzmes le fait et cognoissance de ce mien present testament ou derreniere vou-lenté à la court de Parlement.
Et rapelle et mes au neant tous mes autres testamens ou derre-nieres voulentez, se aucuns en avoie faiz avant ceste moye presente ordenance, laquele je vueil valoir par la meilleur forme et maniere que elle pourra et devra valoir de droit et de raison.
En tesmoing desqueles choses, je, Arnaut de Corbye, dessus nommé, ay seellé ceste moye presente ordenance, testament ou derreniere vou-lenté de mon seel duquel j'ay acoustumé de user, et si ay mis mon signe manuel en la fin, et, à greigneur seureté, ay fait et passé les choses dessus dictes par devant deux notaires du Chastellet de Paris, qui y ont mis leurs signes manuelz.
Ce fu fait le mardi xvnjc jour de fevrier, l'an de grace mil trois cens quatre vins et dix huit.
Ainsi signé : Arnaut de Corbye.
Et en la marge dessoubz estoit escript ce qui s'ensuit : Passé le mardi xviij0 jour de fevrier, l'an mil ecc quatre vins et dix huit, par moy, du Jardin, et par moy, J. Maugier.
Item, ou nom de la saincte Trinité, le Pere, le Filz et le saint Esperit, sachent tuit que je, Arnaut, de Corbye, chevalier et chancelier de France, en adjoustant en mon testament et declairant y celui, pour ce que depuis que je feis mon dit testament Thomas de Corbye, mon frere, est aié de vie à trespassement, je vueil et ordene que tous mes heri­tages et possessions quelzconques que j'ay et auray au temps de mon trespassement en la ville et cité de Beauvais et ou diocese de Beauvais